المحاضرة الثانية فى شرح كورس محطات النقل Substations بالعربى


مكونات محطة النقل

المحاضرة دى بتتكلم عن مكونات المحطة ومن خلال الشكل المبسط في الأسفل هنلاقى 7 أجزاء أساسية 

1- الجزء الأول (Elements of HV Substation / switchgear room ) 
2- الجزء الثانى (Local Control Cabinet ) 
3- الجزء الثالث ( Control & Protection room ) 
4- الجزء الرابع ( Remote Control ) 
5- الجزء الخامس ( Telecom room ) 
6- الجزء السادس ( Battery room ) 
7- الجزء السابع ( AC/DC room ) 

General Substation Layout 

هنتكلم و نقول ملاحظات عن كل جزء بإذن الله في المحاضرة دى و نغطى بقدر الإمكان أهم المعلومات التي تخص كل جزء من هذه الأجزاء السبعة. 

1- الجزء الأول (Elements of HV Substation / switchgear room ) 
لازم نبقى عارفين ان احنا ملناش Access على اى نقطة في الجزء الخاص بال HV و هو عبارة عن شوية Modules و بتتكرر و متكونة من حاجة أسمها ال Bays 

أيه هو ال Bay ؟ 

ال Bay هو مجموعة من ال Compartments متجمعة مع بعض في Module واحد و هو مكون من ( Feeder + VT + CT + CBs + Disconnectors + Earth switches + Cable receiving End + Control cabinet ) 

طيب نقول معلومة عملية مهمة في ال Bay , هي ان أهم جزء هو ال Cable celling end و ده بيبقى دخل الكابل على ال GIS و أسمها بالبلدى الترملة أو دخل الكابل , تلاقى العمال عمالين يقولوا ترمل الكابل , ياعنى وصل الكابل بالدخل بتاعة في ال GIS 

و الشكل اللى تحت ده SLD لل Bay وال Single line diagram بيوضح الحاجة ببساطة شديدة 

2- الجزء الثانى (Local Control Cabinet ) 
هنلاقى ان قصاد كل Module ال Control panel بتاعتة , و استخدام اللوحة دى بيبقى بغرض الصيانة فقط و لو حصل مشكلة في ال Module فبستخدمها للصيانة و ممنوع ادخل او أخرج اى Feeder منها لأنى لو واقف عندها مش هبقى شايف غير بس الجزء اللى قدامى و مش شايف الصورة كاملة ودى بتبقى وظيفة ال Control room , بقدر أدخل أو أخرج أي Feeder عن طريق ال Control room أو من ال Remote Control و في مصر بيبقى من ال Remote control كمان. 

3- الجزء الثالث ( Control & Protection room ) 
يوجد بها Conventional panels ذي اللى في ال Local control . 

يوجد بها حاجة أسمها ال SAS و هي أختصار Substation Automation System و هي بأختصار كده Laptops بعمل منها حاجتين أول حاجة Supervision تانى حاجة Control لكل المحطة و بيبقى باين قصادى كل ال Status بتاعة المحطة. 

التحكم بيبقى في ال CBs بهدف انى أدخل محطات او أخرجها او أدخل أحمال او أفصلها. 

تم استبدال ال Conventional panels بنظام ال SAS 

4- الجزء الرابع ( Remote Control ) 
ده اللى ليه Access على كل حاجة و ال Panels اللى موجودة في ال Local control وال Control room بتاعة المحطة هنلاقيهم هنا في مصر صماء بمعنى الكلمة و ان أي تحكم في أي محطة او اى حاجة داخل اى محطة بيبقى من مركز التحكم المصرى اللى هو ال Remote control. 

من خلال ال Remote control ببقى شايف كل حاجة فبالتالى اقدر اخد Action من عندة أفضل لأنى ببقى شايف الصورة كاملة. 

مركز التحكم القومى 

للى راح هناك هيلاقى ان شبكة مصر كلها باينة قدامة على شاشة ضخمة جدا عليها كل نقطة في الشبكة و كل التفاصيل اللى ممكن تتخيلها في الشبكة من محطات توليد و نقل وتوزيع و خطوط و أحمال و كل حاجة و ليه Access على أي حاجة في الشبكة و يقدر يدخل و يطلع اللى هو عاوزة في أي وقت حسب ال status بتاعة الجزء ده من الشبكة. 

5- الجزء الخامس ( Telecom room ) 
ده اللى بيستقبل كل ال Signal من ال Protection devices 

كل أجهزة ال Protection بتكلم بعض , ولو في Fault لازم نتأكد من وجود Fault فنفصل ال Fault و بيبقى ال Protection scheme موجود في ال Telecom room 

مركز تجمع ال Signals من ال Protection devices . 

6- الجزء السادس ( Battery room ) 
تغذية كل أجهزة ال Protection و القياس بيبقى DC فلازم يبقى موجود Batteries . 

هنلاقى ببساطة جدا ان انا باخد AC و بدخلها على Chargers بتحول ال ACل DC عشان أشحن بيها البطاريات. 

في حالة حدوث أي مشكلة ال Batteries بتغذى المحطة لفترة معينة. 

7- الجزء السابع ( AC/DC room ) 
دة لل Lighting للمحطة كلها سواء AC أو DC . 

مقارنة مهمة جدا بين ال CB وال Disconnectors 


قصة ال CB 

ال CB بيتكون من Tow coils 
1- Close coil 
2- Trip coil 

كل spring لية Coil اول ما يجى Signal لل Coil يقوم مشغل ال spring بتاعة أما انة يقفل أو يفتح 

ال Close coil 
ده بيضغط على ال Contacts في حالة ان ال CB مقفول عشان يضمن ان ال Contact معشقة في بعض كويس. 

ال Trip Coil 
في حالة حدوث أي Fault ده مسؤول عن ال Spring التانى اللى مضغوط و أول ما يجى إشارة لل Trip coil يقوم فاتح ال Contacts لان غالبا في Fault . 

بيبقى ال Motors في ال CBs عشان تشحن ال Springs . 

نخلى بالنا ان ال LV CBs مفهاش غير بس Trip coil عشان يفتح لكن القفل بيبقى يدوى 



ال Disconnector 


ده لو عاوز أعزل أي نقطة و عاوز أشتغل عليها مثلا عاوز أصينها 
1- CB <<<<< Open
2- DS <<<<< Open 
3- Earth Switch (ES) <<<<< Close (تفريغ الشحنات( 
بعد كده أبدأ اشتغل في ال Element ده 

ال SLD 

من ال SLD ممكن نعرف كل حاجة في المحطة. 

ترقيم ال SLD مهم جدا ( الترقم الزوجي يمين و الفردي شمال ). 

ال Dotes معناها ان المكان ده هيبقى في Spare 

ال Standard ان ببدأ من فوق لتحت ( فوق خالص ال Feeders و بعد كده و انت نازل هتلاقى المحولات و هكذا ......... ) 

مفيش Power flow من ال LV لل HV لا لكن بيبقى من ال HV لل LV

this article written by muhamed elshafai

المحاضرة الثانية فى شرح كورس محطات النقل Substations بالعربى المحاضرة الثانية فى شرح كورس محطات النقل Substations بالعربى Reviewed by Unknown on أبريل 12, 2018 Rating: 5

ليست هناك تعليقات:

يتم التشغيل بواسطة Blogger.