مواضيع قدتعجبك

الفرق بين ميكروبروسيسور والميكرو كنترولر

ايه الفرق بين microcontroller و microprocessor 

اكيد انت كمهندس او طالب في اتصالات او هندسة حاسب عارف ايه الفرق ولو مكنتش عارف احنا هنقلك الفرق ببساطه اولا

ما هو الميكروبروسيسور ؟
صوره لمعالجات من شركة intel وamd

 ده هو المعالج بس اللي بيحتوي علي ملايين الترانزستورات بدون RAM او ROM او I/O PORTS وده زي اللي موجود في الاب توب بتاعك وفي جهاز الكمبيوتر اللي في البيت زي معالجات intel و AMD وده بيسموه 
general purpose microprocessor 
وده لانك انت بتقدر تستخدمه زي مانت عاوز في تطبيقات كتير وبيسمحلك انك تختار حجم ال RAM وROM و I/O PORTS 
ده علي حسب احتياجاتك النوع ده بيكون غالي  بس لان كل حاجه بتكون منفصله عن بعضها  وفي الاغلب بيستخدم VON-newman architecture
وانت هنا ممكن تستخدم عدد لا نهائي من التطبيقات ممكن مثلا تستخدمه انه ياخد ملف فيديو من الميموري ويعرضه علي الشاشه او تستخدمه في انه يعالج الصور زي فوتوشوب وغيره من التطبيقات اللي موجوده عندك علي جهازك

ما هو الميكروكنترولر ؟
صوره لانواع من الميكروكنترولر
ده بقي بيجمع ال processor وRAM وROM وI/O PORTS كل دول في شريحه واحده وكمان ممكن بيكون فيه ADC محول الاشارات التناظريه الي رقميه عشان يقدر يقرا اشارات تناظريه  والمصمم هو اللي بيحدد حجم كل حاجه علي حسب الاستخدام وفي الاغلب هنا انت بتستخدم المتحكم ده في وظيفه واحده بس علي سبيل المثال الطابعه هي بتعمل وظيفه واحده بتستقبل البيانات من جهاز الحاسب وتحولها الي اوامر للطباعه وهنا بيستخدم في الاغلب HARVARD ARCHITECTURE

إرسال تعليق

0 تعليقات