كورس لشرح محطات النقل Substations بالعربى

كورس شرح محطات النقل

Substations Course

محطات النقل

يتناول الكورس شرح لمحطات نقل القوى الكهربية ,و هي من اهم المجالات التي يمكن العمل بها في مجال القوى الكهربية , يجب توضيح في البداية , ان هذه المحاضرات من كورس قمت بدراسته في الكلية و انا في الفرقة الرابعة , محاضرات الكورس منقولة عن كورس درستة مع دكتور محمد شافعى و هو دكتور في قسم القوى الكهربية والالات الكهربية بكلية الهندسة بجامعة القاهرة ,الكورس يتكون من 9 محاضرات , ماتحتويه هذه المحاضرات خلاصة فهمى للمواضيع التي قمت بدراستها في هذا الكورس ,في ملاحظة عاوز أوضحها في الأول , انا لما بكتب محاضرة أو بلخص حاجة بحب اكتبها بأسلوب بلدى عشان يبقى سهل عليا فهمها , فهتلاقوا أسلوبى في الكلام بلدى

موضوعات المحاضرات:

1- المحاضرة الأولى (منظومة الكهرباء تتكون من ايه ؟ ,وكلام عام عن المحطات)

2- المحاضرة الثانية (مكونات محطة النقل)

3- المحاضرة الثالثة ( ال CT و ال VT )

4- المحاضرة الرابعة (ال Configurations المختلفة للمحطات)

5- المحاضرة الخامسة (مفاهيم أساسية في حماية محطات النقل)

6- المحاضرة السادسة (Feeder / line & Trans protection )

7- المحاضرة السابعة (Bus bar & Capacitor bank protection )

8- المحاضرة الثامنة (operation , monitoring and control في المحطة عامل أذاي )

9- المحاضرة التاسعة (Testing & commissioning )
ودول دكتور محمد كان ببيقول عليهم الكعب العالي وملوك محطات النقل
لازم نبقى عارفين ان موضوع محطات النقل ده كبير وفية تفاصيل كتير , بنصح أي حد لسا بيدرس يحاول يدور على فرصة تدريب في اى محطة نقل و يستفيد من كل حاجة فيها ده بالنسبة لل Field لكن اللى عاوز يتعلم محطات نقل يدور على فرصة تدريب او شغل في شركة حتى لو صغيرة يتعلم ال design فيها.

وتكملة بقى للمشوار بعيدا عن المحاضرات , انا بدأت أزود نفسى فى المجال عن طريق:

1-كتاب الوقايه فى محطات المحولات وشرح للجانب العملى

تأليف د. أحمد صفى الدين

مهندس أول وقاية

الشركة المصرية لنقل الكهرباء 

2-كورس حماية كهربية د/احمد صفي الدين

3-تالت حاجة بقى هى القناة دى على ال youtube والحقيقة انا بشكر كل المهندسيين اللى بيتعبوا علشان يطلعوا كل اللى أتعلمة فى المجال للناس تستفيد منه , وبالمناسبة بشكر مهندس محمد أسماعيل (معيد فى هندسة حلوان ) و بشكر هندسة حلوان أنها طلعت مهندسين فاهميين كده.